ဘုရားရှင်၏ စကားပြောနည်း

မြတ်စွာဘုရားရှင်သည်-
၁။ မဟုတ်မမှန်၊ အကျိုးမရှိ၊ သူတစ်ပါးတွေလည်းမကြိုက်တဲ့ စကားကိုဘုရားရှင်မပြောပါ။
၂။ ဟုတ်မှန်၊ အကျိုးမရှိ၊ သူတစ်ပါးမကြိုက်တဲ့ စကားကိုလဲဘုရားရှင်မပြောပါ။
၃။ ဟုတ်မှန်၊ အကျိုးရှိ၊ သူတစ်ပါးမကြိုက်တဲ့စကားကို ပြောသင့်တဲ့အချိန်အခါကိုသိပြီး ဘုရားရှင်ပြောပါတယ်။
၎။ မဟုတ်မမှန်၊ အကျိုးမရှိ၊ သူတစ်ပါးကြိုက်တဲ့စကားကိုလည်းမပြောပါ။
၅။ ဟုတ်မှန်၊ အကျိုးမရှိ၊ သူတစ်ပါးကြိုက်တဲ့စကားကိုလည်းမပြောပါ။
၆။ ဟုတ်မှန်၊ အကျိုးရှိ၊ သူတစ်ပါးကြိုက်တဲ့စကားကိုလည်း ပြောသင့်တဲ့အချိန်အခါကိုသိပြီး ဘုရားရှင်ပြောပါတယ်။
     အကြောင်းကတော့ ဘုရားရှင်ဟာသတ္တဝါတွေကို သနားလို့ပါပဲ။ ဒါကြောင့်အချိန်အခါဟာ အရေးကြီးလှပါတယ်။ အချိန်အခါမဟုတ်ပဲသွားပြောရင် စကားကောင်းပေမယ့် အကျိုးမပြီး၊ အချည်းအနှီးဖြစ်တတ်ပါတယ်။ ပြောသင့်တဲ့အချိန်ရောက်မှပြောကြရပါတယ်။ စကားကိုအတိုင်းအတာမရှိပြောလွန်းရင်လည်း အရှက်ရတတ်ပါတယ်။ အလိုက်ကန်းဆိုးမသိပဲ ပြောတတ်သူတွေလောကကြီးထဲမှာ ရှိနေတတ်ပါတယ်။ နားထောင်နေရသူရဲ့ဆန္ဒတွေကို မသိတတ်ကြတဲ့လူတွေကြောင့် နားထောင်ရသူတွေမှာ ဒုက္ခရောက်ကြရပါတယ်။ စကားဆိုတာပြောချင်တိုင်း မပြောရပါ။ အခြေအနေ၊ အချိန်အခါကိုသိရပါတယ်။ အလိုဆန္ဒကိုလဲသိရပါတယ်။

စကားအင်္ဂါနဲ့အပြစ်များ

အင်္ဂါ(၅)ပါးနှင့်ပြည့်စုံသောစကား
၁။ ပြောသင့်တဲ့အချိန်မှာပြောခြင်း
၂။ မှန်ခြင်း
၃။ သိမ်မွေ့ခြင်း
၎။ အကျိုးရှိခြင်း
၅။ မေတ္တာစိတ်ပါခြင်း။

စကားများသူ၏အပြစ်(၅)မျိုး
၁။ လိမ်ခြင်း
၂။ ကုန်းတိုက်ခြင်း
၃။ ရိုင်းစိုင်းကြမ်းတမ်းသော စကားကိုပြောခြင်း
၎။ အနှစ်မရှိသောစကားကိုပြောခြင်း
၅။ သေရင်ငရဲရောက်ခြင်း။

ချင့်ချိန်ပြီးစကားပြောသူ၏အကျိုး(၅)မျိုး
၁။ မလိမ်ခြင်း
၂။ ကုန်းမတိုက်ခြင်း
၃။ ကြမ်းတမ်းတဲ့စကားကိုမပြောခြင်း
၎။ အနှစ်မရှိစကားကိုမပြောခြင်း
၅။ သေရင်နတ်ပြည်ရောက်ရခြင်း။

စကားကိုဘယ်လိုပြောရမယ်

(၁) ပြောချိန်မရောက်သေးပဲ အတိုင်းအထက်အလွန်စကားပြောသူဟာ ဥသြမရဲ့သားလေးပမာ အသတ်ခံရတတ်တယ်၊ အနှိပ်စက်ခံရတတ်တယ်။
(၂) မကောင်းသဖြင့်ပြောဆိုအပ်တဲ့စကားဟာ အလွန်ထက်မြက်တဲ့ဓားနဲ့ လတ်တလောသေစေနိုင်တဲ့ အဆိပ်တို့ထက်လည်းပိုပြီး လျင်မြန်စွာသေစေနိုင်ပါတယ်။
(၃) ဒါကြောင့်ပြောဖို့သင့်တဲ့အချိန်အခါမှာကော မသင့်တဲ့အချိန်အခါမှာပါ စကားကိုစောင့်ရှောက်ရပါတယ်။ အလွန်မပြောရပါ။ မိမိနဲ့တူတဲ့ပုဂ္ဂိုလ်ကိုတောင်မှ အလွန်မပြောရပါ။
(၄) အသိဉာဏ်ကိုရှေ့တန်းတင်ပြီး စကားပြောတဲ့ပညာရှိဟာ ပြောသင့်တဲ့အချိန်မှာ စကားကိုနှိုင်းနှိုင်းချိန်ချိန်ပြောရပါတယ်။ အဲဒီလိုပြောတဲ့ပညာရှိဟာ ဂဠုန်ကနဂါးကိုသုတ်ချီသလို ရန်သူအားလုံးကိုသိမ်းကျုံးယူနိုင်ပါတယ်။
(၅) အချိန်မရောက်ခင်ပြောမိတဲ့စကားတွေကတော့ မကောင်းကျိုးတွေကိုဖြစ်ပေါ်စေနိုင်ပါတယ်။ ရင်ထဲမှာပြောချင်တဲ့ဆန္ဒတွေပြည့်နေပေမယ့် အချိန်မရောက်သေးရင်မျိုသိပ်ထားနိုင်ကြရပါမယ်။ အောင့်နိုင်လေလေအကျိုးရှိလေပါပဲ။

ပညာဉာဏ်တိုးပွားကြောင်းတရား

(၁) ပညာရှိတို့ထံ အဖန်ဖန်မေးမြန်းခြင်း၊
(၂) မိမိ၏ ကိုယ်တွင်းကိုယ်ပ နှစ်ဌာနစလုံး သန့်ရှင်းကြည်လင်စွာပြုလုပ်ရခြင်း၊
(၃) ဣနြေ္ဒငါးပါးညီမျှစွာ ထားရခြင်း၊
(၄) ပညာမဲ့ကိုရှောင်ကြည်ရခြင်း၊
(၅) ပညာရှိကိုမှီဝဲရခြင်း၊
(၆) နက်နဲသောဉာဏ်ကျက်စားရာ သဘောတရားများကို ဆင်ခြင်လေ့ကျင့်ပေးရခြင်း၊
(၇) ထိုဉာဏ်ပညာဖြစ်ပွားမှု၌ အလေးပြုကိုင်းညွတ်သောစိတ်ရှိရခြင်း။

မပျင်းမရိကြပါနဲ့

     ဤခန္ဓာကိုယ်ကြီး၏အတွင်း၌ ကောင်းမြတ်သောအရာ၊ မြဲခိုင်သောအရာဟူ၍ ဘာတစ်ခုမျှမရှိပါ။ အလိမ္မာစသောဂုဏ်များသည်ကား အလွန်စင်ကြယ်၏။ မစင်ကြယ်သောခန္ဓာကိုယ်ကြီးဖြင့် စင်ကြယ်သောဂုဏ်သတင်းများကိုရအောင် အားထုတ်လိုက်ကြပါလော့။
     ငါတို့ဗုဒ္ဓဘာသာဝင်များသည် မအိုမသေအမြဲနေရာနိဗ္ဗာန်ကိုပင် မြော်မြင်မှန်း၍ မရရအောင် အားထုတ်ကြကုန်သေး၏။ ယခုဘဝကြီးပွားရေး၊ စီးပွားရေး၊ ပညာရေးလောက်ကိုပဇာမူ၍ ကြောက်ရမည်နည်း။ လုံ့လဝီရိယကင်း၍ အဖျင်းစားအပေါစားလုပ်နေသော်လည်း ဤခန္ဓာကိုယ်ကြီးသည် ပို၍မကျန်းမမာ ပို၍အသက်မရှည်တော့ပြီ။
     စင်စစ်သော်ကား ပျင်းနေသည့်အတွက် ခန္ဓာကိုယ်မှအခိုးအငွေ့တွေ အပြင်သို့မထွက်ရသောကြောင့် အေးစက်စက်ဖြစ်ကာ ပို၍မကျန်းမမာဖြစ်သေး၏။ ထိုမကျန်းမာမှုကြောင့် အပျင်းထူသူမှာ အသက်တိုဖွယ်သာပိုများ၏။ ပျင်း၍အလုပ်မလုပ်သောသူသည် သာ၍ပျင်းစရာဖြစ်နေပါလိမ့်မည်။ လုံ့လဝီရိယမှန်မှန်ဖြင့်အလုပ်လုပ်နေသူကို လူတွေကလည်းကြည်ညို၊
နတ်တွေကလည်းစောင့်ရှောက်လို၏။ ရှေးကံတွေကလည်း အကျိုးပေးခွင့်သာ၍ လှလှပပအကျိုးပေးကြသည်။ ထို့ကြောင့်လုံ့လရှိသူအဖို့မှာ လောကကြီး၌ ပျော်စရာကိုသာတွေ့ရပါလိမ့်မည်။
     ဤနေရာ၌ရှေးကံအကြောင်းကို အနည်းငယ်ရှင်းပါမည်။ ရှေးကံများသည် အလွန်အားကောင်းသောကံ သာမာန်လောက်သာအားရှိသောကံဟု နှစ်မျိုးရှိ၏။ ထိုတွင်ပထမကံမျိုး၏အကျိုးပေးပုံသည် အလွန်ထင်ရှား၏။ ဒုတိယကံမျိုးမှာ မထင်ရှား။ သူများနည်းတူသာရစေနိုင်၏။ ထိုကံသည်လူ့လောက၌ သူတို့ချည်းအကျိုးပေးဖို့ခက်ခဲသဖြင့် အကျိုးပေးခွင့်ရအောင် ဉာဏ်၊ ဝီရိယနှင့် သတိဟူသော ပယောဂက ကူညီပေးရေးသည် အရေးကြီးလေသည်။
     ထို့ကြောင့်လူတစ်ယောက်တွင် တစ်နေ့အဖို့၌ ကုသိုလ်၊ ဥစ္စာ၊ ကျန်းမာရေး၊ အတတ်ပညာ၊ တန်ခိုးဂုဏ်သိန် ဤ(၅)မျိုးတွင် တစ်မျိုးမျိုးမှအကျိုးမရပဲ ကုန်သွားသောနေ့သည် ဝမ်းနည်းစရာ လွန်စွာအသုံးမကျ၊ မသေခင်ကအသေဖြစ်ရသော နေ့ပင်တည်း။
     ထို့ကြောင့်ရှင်လျက်နှင့်သေသူမဖြစ်ရအောင် ယခုမှစ၍ကြိုးစားအားထုတ်ကြပါလော့။

ဘုရားရှင်ပါရမီဖြည့်ဆည်းခဲ့သောကမ္ဘာအသင်္ချေများ

 မြတ်စွာဘုရားရှင်ပါရမီဆည်းပူးခဲ့ရသည်များကို ကြည်ညိုသဒ္ဓါပွားစေရန် ရေးသားဖော်ပြပါသည်။
     ဘုရားလောင်းသည် ဆုမပန်မီက(၇) အသင်္ချေအတွင်းပွင့်တော်မူသော ဗြဟ္မဒေဝ(တစ်သိန်းနှစ်သောင်း ငါးထောင်)ကုန်သော ဘုရားရှင်တို့နှင့် ဖူးခွင့်ကြုံခဲ့ရသည်။ ထိုအခါဘုရားစင်စစ်ဖြစ်လိုစိတ် ပေါ်ခဲ့သည်။ ပါရမီ(၁၀)ပါး၊ ပရိစာဂ(၅)ပါးတို့ဖြည့်ဆည်းခဲ့သည်။ ထို(၇)အသင်္ချေမှာ ၁-နန္ဒအသင်္ချေ၊ ၂-သုနန္ဒအသင်္ချေ၊ ၃-ပထဝီအသင်္ချေ၊ ၄-မဏ္ဍအသင်္ချေ၊ ၅-ဓရဏီအသင်္ချေ၊ ၆-သာဂရအသင်္ချေ၊ ၇- ပုဏ္ဏရီကအသင်္ချေ တို့ဖြစ်သည်။
   ထို့နောက်(၉) အသင်္ချေကာလအတွင်း ပွင့်တော်မူသော ပေါရဏသကျဂေါတမ(သုံးသိန်း ရှစ်သောင်း ခုနှစ်ထောင်)ကုန်သောဘုရားရှင်တို့နှင့် တွေ့ရသည်။ တရားနာရပြီး စိတ်ရောကိုယ်ပါ ဆုတောင်းပတ္တနာပြုခဲ့သည်။ ထို(၉)အသင်္ချေမှာ ၁-သဗ္ဗအသင်္ချေ၊ ၂-သဗ္ဗပုလ္လအသင်္ချေ၊ ၃-သဗ္ဗရတနအသင်္ချေ၊ ၄-ဥသဘက္ခန္ဓအသင်္ချေ၊ ၅-ခန္တုတ္တမအသင်္ချေ၊ ၆-မာဏိတအသင်္ချေ၊ ၇-ဘဒ္ဒအသင်္ချေ၊ ၈-ပဒုမအသင်္ချေ၊ ၉-သဗ္ဗသလ္လအသင်္ချေ တို့ဖြစ်ပါတယ်။
    ထို(၁၆)အသင်္ချေကာလတွင် နှုတ်ရောစိတ်ပါကြိုးစားခဲ့သဖြင့် သုမေဓာရှင်ရသေ့ဘဝရောက်ပြီး ဒီပင်္ကရာမြတ်ဘုရားထံမှ ဗျာဒိတ်ရခဲ့လေသည်။ ထို့နောက်ပါရမီဖြည့်ခဲ့လေရာ လေးသင်္ချေနှင့်ကမ္ဘာတစ်သိန်း ကြာမြင့်ခဲ့သည်။ ထိုလေးသင်္ချေမှာ ၁-သေလအသင်္ချေ၊ ၂-ဘာသအသင်္ချေ၊ ၃-ဇေယျအသင်္ချေ၊ ၄-ရုစိယအသင်္ချေ တို့ဖြစ်ပါတယ်။
    ကမ္ဘာအသင်္ချေတစ်ခုကို တစ်သင်္ချေဟုခေါ်ပါတယ်။ ဂဏန်းအားဖြင့်ရေးလျှင် တစ်ဂဏန်းနောက်တွင် သုညပေါင်း တစ်ရာ့လေးဆယ်ရေးရပေမည်။ ထိုတစ်သင်္ချေသည် ရှေ့နောက်ဘုရားနှစ်ဆူကြားတွင် ဘုရားမပွင့်သုညကမ္ဘာပေါင်း မရေမတွက်နိုင်အောင် ဖြစ်ပျက်ကုန်လွန်သွားသည့် ဆိုစကားဖြစ်သည်။ ဒီပင်္ကရာဘုရားပွင့်သောကမ္ဘာပျက်ပြီးနောက် ဘုရားမပွင့်သောကမ္ဘာတစ်သင်္ချေ ကုန်လွန်သွားသည်။ တဖန်တစ်ဆူတည်းပွင့်သောကမ္ဘာတွင် ကောဏ္ဍညဘုရားရှင်ထံမှောက်၌ နိယတဗျာဒိတ်ပန်း ဆင်မြန်းခွင့်ရပြန်သည်။ ထို့နောက်ကမ္ဘာတစ်သင်္ချေကုန်သွားပြန်သည်။ ထို့နောက် မင်္ဂလ၊ သုမန၊ ရေဝတ၊ သောဘိတဟူသော ဘုရားလေးဆူပွင့်တော်မူသည့် ကမ္ဘာနှင့်ကြုံရပြန်သည်။ ထိုဘုရားရှင်တို့ထံတွင် နိယတဗျာဒိတ်ပန်း ဆင်မြန်းခွင့်ရပြန်သည်။ ထို့နောက် ကမ္ဘာတစ်သင်္ချေ ကုန်သွားပြန်သည်။ တဖန် အနောမဒဿီ၊ ပဒုမ၊ နာရဒဟူသော ဘုရားသုံးဆူပွင့်သည့်ကမ္ဘာတွင် ဗျာဒိတ်ခံယူပြန်သည်။ ထို့နောက်တစ်သင်္ချေကုန်လွန်သွားသည်။ ထိုသို့လေးသင်္ချေကုန်ပြီးနောက် ကမ္ဘာတစ်သိန်းအထက်တွင် ပဒုမုတ္တရဘုရားတစ်ဆူတည်းပွင့်ခဲ့သည်။ ထိုကမ္ဘာပျက်ပြီး သုညကမ္ဘာပေါင်း ခုနှစ်သောင်းကုန်လွန်ခဲ့သည်။ ဤကမ္ဘာမှ ကမ္ဘာသုံးသောင်းအထက်၌ သုမေဓဗုဒ္ဓနှင့် သုဇာတဗုဒ္ဓဘုရား နှစ်ဆူပွင့်ခဲ့သည်။ ထိုကမ္ဘာပျက်ပြီး သုညကမ္ဘာပေါင်း နှစ်သောင်းရှစ်ထောင့်နှစ်ရာ ကုန်လွန်ခဲ့ပြန်သည်။ ဤကမ္ဘာမှတစ်ထောင့်ရှစ်ရာအထက်၌ ပီယဒဿီ၊ အတ္တဒဿီ၊ ဓမ္မဒဿီ ဟူသော ဘုရားသုံးဆူပွင့်ခဲ့သည်။ ထိုဘုရားသုံးဆူပွင့်သော ဝရကမ္ဘာလည်းပျက်ပြန်သည်။ ထို့နောက် သုညကမ္ဘာပေါင်း တစ်ထောင့်ခုနှစ်ရာ့ခြောက်ကမ္ဘာဖြစ်ပျက်ခဲ့သည်။ ထို့နောက်(၉၄)ကမ္ဘာထက်၌ သိဒ္ဓတ္ထဘုရားတစ်ဆူတည်းပွင့်သော သရကမ္ဘာတစ်ခုဖြစ်ခဲ့သည်။ ထိုကမ္ဘာပျက်ပြီး သုညကမ္ဘာတစ်ခုသာ ခြားခဲ့သည်။ (၉၂)ကမ္ဘာအထက်၌ တိဿဘုရားရှင်နှင့် ဖုဿဘုရားနှစ်ဆူပွင့်သော မဏ္ဍကမ္ဘာဖြစ်ပြန်သည်။ ထို့နောက်ကမ္ဘာမခြားပဲ (၉၁)ကမ္ဘာအထက်၌ ဝိပဿီဘုရားပွင့်ခဲ့သည်။ ထိုကမ္ဘာ၏နောက်တွင် သုညကမ္ဘာပေါင်း(၈၉)ကမ္ဘာကုန်လွန်ခဲ့သည်။ ယင်းနောက်မှ ဘုရားငါးဆူပွင့်တော်မူသော ဤဘဒ္ဒကမ္ဘာကိုရောက်ခဲ့ပေသည်။

သန္တိသုခ

“ပုထုဇဉ်များသည် သံသရာအဆက်ဆက်က ဝေဒယိတသုခခံစားရသော ချမ်းသာတစ်မျိုးကိုသာ ထပ်ခါတစ်လဲလဲခံစားဖူးကြ၏။ နိဗ္ဗာန်၏ သန္တိသုခ ငြိမ်းအေးသောချမ်းသာကိုကား တစ်ကြိမ်တစ်ခါမျှ မခံစားဖူးကြချေ။ ဘုရား၊ ပစ္စေကဗုဒ္ဓါ၊ ရဟန္တာများသည် သန္တိသုခကို(၇)ရက်တိတိ မလှုပ်မယှက်ခံစားနိုင်ကြသော်လည်း ပုထုဇဉ်များသည် သူတို့အထင်ကြီးသည့် ဝေဒယိတသုခကို ခုနှစ်ရက်မဆိုထားနှင့် ခုနှစ်နာရီကြာအောင်ခံစားဖို့ပင် မလွယ်ကူပေ။ ကြာလျှင်ငြီးငွေ့လာသည်သာဖြစ်၏။ ဤအချက်ကိုထောက်သောအားဖြင့် သန္တိသုခသည် ဝေဒယိတသုခထက် များစွာသာလွန်ကြောင်း ထင်ရှား၏။”

“ဝိညာဉ်ဆိုတာကိုကမရှိပါဘူး။ လူတစ်ယောက်မှာ အာရုံကိုမသိတတ်တဲ့ရုပ်နဲ့ အာရုံကိုသိတတ်တဲ့နာမ် ဒီနှစ်မျိုးပဲရှိပါတယ်။ အဲဒီနာမ်ကိုပဲ ဝိညာဉ်ထင်ပြီးလျှောက်ပြောနေကြတာပါ။”

“မေတ္တာပွားနေတဲ့ပုဂ္ဂိုလ်သည် မြည့်နေအောင်ထက်တဲ့ နှစ်ဘက်သွားလှံနဲ့တူသည်။ အဲဒီလှံသွားကို ချိုးမယ်၊ ခေါက်မယ်၊ လိပ်မယ်ဆိုပြီးလုပ်ရင် လုပ်တဲ့သူသာရှမှာပဲ။”

“လူမှုရေးကိစ္စတွေမှာအဆင်ပြေချင်ရင် သူတစ်ပါးရဲ့ကောင်းကွက်ကိုသာရှာကြည့်ပါ။ ကိုယ့်သန္တာန်မှာအေးချမ်းတဲ့ မေတ္တာစိတ်သာရှိနေချင်ရင် သူတစ်ပါးရဲ့ကောင်းကွက်ကိုသာ ရှာကြည့်ပါ။ တစ်ခဏတာရလာတဲ့ လူ့ဘဝနေရသခိုက်မှာ ကုသိုလ်စိတ်သာဖြစ်နေစေချင်ရင် သူတစ်ပါးကောင်းကွက်ကိုသာရှာကြည့်ပါ။”